Thole, Elinga!

Thole, Elinga!

November 12, 2010, 10:09 am
Filed under: Uncategorized

Thole,

geneya praupanmu suntrut,

sajak ana panandhang,

tak sawang atimu goreh,

ora jenjem,

sajak ana samubarang lir,

sing njalari urip ora tentrem,

apa sing nggubel atimu,

kang njalari uripmu kebak panandhang,

Thole,

coba sareh sedhela,

nyenyuwunna marang Sing Kuasa,

Kang Akarya Urip,

kang bisa njalari padhaning budi,

sing lagi nandhang ruwet renteging bebrayan,

Thole,

elinga marang Kang Murbeng Gesang,

mesthi bakal diparingi apa sing dadi panyuwunmu,

aja pisan-pisan nglokro,

nanging balik sumaraha marang Pangeran Agung,

Pangeran papan pangungsen lan pasambat kita.

————–

Kidung Pasamuan Kristen

129. GUSTI PANUNTUN KULA

Advertisements

Leave a Comment

Leave a Comment so far
Leave a comment

RSS feed for comments on this post. TrackBack URI